ബര്‍ലിന്‍: വീസ്ബാഡന്‍ (ഹെസ്സന്‍): ജര്‍മ്മനിയിലെ ട്രെയിനുകളിലും റെയില്‍വേ സ്റേറഷനുകളിലും സുരക്ഷ വര്‍ദ്ധിപ്പിക്കുന്നതിനായി വിപ്ളവകരമായ മാറ്റത്തിനൊരുങ്ങി ഹെസ്സന്‍ സംസ്ഥാനം. ലണ്ടന്‍, പാരിസ് തുടങ്ങിയ നഗരങ്ങളിലെ മാതൃകയില്‍, ടിക്കറ്റുള്ളവര്‍ക്ക് മാത്രം പ്ളാറ്റ്ഫോമിലേക്ക് പ്രവേശനം നല്‍കുന്ന 'എന്‍ട്രി ബാരിയറുകള്‍' (Drehkreuze/Gates) സ്ഥാപിക്കുമെന്ന് ഹെസ്സന്‍ ഉപമുഖ്യമന്ത്രി കാവെ മന്‍സൂരി പറഞ്ഞു.
കഴിഞ്ഞ കാലങ്ങളില്‍ ജര്‍മ്മനിയിലെ ട്രെയിനുകളില്‍ നടന്ന അക്രമാസക്തമായ സംഭവങ്ങളാണ് ഇത്തരമൊരു ആലോചനയ്ക്ക് കാരണം. കൈസര്‍ലൗട്ടേണ്‍ (ഗമശലെൃഹെമൗലേൃി) റൂട്ടില്‍ ടിക്കറ്റില്ലാതെ യാത്ര ചെയ്തയാള്‍ 36 വയസ്സുകാരനായ ടിക്കറ്റ് പരിശോധകനെ ക്രൂരമായി മര്‍ദ്ദിച്ചു കൊലപ്പെടുത്തിയത് ജര്‍മ്മനിയെ നടുക്കിയിരുന്നു.
പുതിയ നിര്‍ദ്ദേശം ഇങ്ങനെ:
ടിക്കറ്റ് സ്കാനിംഗ്: വിമാനത്താവളങ്ങളിലേതു പോലെ ക്യു.ആര്‍ കോഡോ (QR Code) ബാര്‍കോഡോ സ്കാന്‍ ചെയ്താല്‍ മാത്രം തുറക്കുന്ന ഓട്ടോമാറ്റിക് ഗേറ്റുകള്‍ പ്ളാറ്റ്ഫോമുകളുടെ പ്രവേശന കവാടത്തില്‍ സ്ഥാപിക്കും.
ടിക്കറ്റില്ലാത്തവര്‍ക്ക് വിലക്കുണ്ടാവും.
ഫ്രാങ്ക്ഫര്‍ട്ട് മോഡല്‍: ജര്‍മ്മനിയിലെ ഏറ്റവും തിരക്കേറിയ ഫ്രാങ്ക്ഫര്‍ട്ട് മെയിന്‍ സ്റേറഷന്‍, എസ്~ബാന്‍ (SBahn), യു~ബാന്‍ (UBahn) സ്റേറഷനുകള്‍ എന്നിവിടങ്ങളില്‍ ഈ സംവിധാനം നടപ്പിലാക്കും.
ലണ്ടനിലെ വാട്ടര്‍ലൂ സ്റേറഷന്‍, പാരിസിലെ ഗാരെ ഡു നോര്‍ഡ്, മാഡ്രിഡ് എന്നിവിടങ്ങളില്‍ ദശകങ്ങളായി ഈ സംവിധാനം നിലവിലുണ്ട്. എന്നാല്‍ ജര്‍മ്മനിയില്‍ ആര്‍ക്കും എളുപ്പത്തില്‍ ട്രെയിനുകളില്‍ കയറാന്‍ കഴിയുന്ന രീതിയാണ് ഇപ്പോഴുള്ളത്.
നിലവില്‍ ജര്‍മ്മനിയില്‍ ടിക്കറ്റ് എടുക്കാതെ തന്നെ പ്ളാറ്റ്ഫോമില്‍ കയറാനും ട്രെയിനില്‍ ഇരിക്കാനും സാധിക്കും. എന്നാല്‍ പുതിയ നിര്‍ദ്ദേശപ്രകാരം:
ഡിജിറ്റല്‍ ടിക്കറ്റ് നിര്‍ബന്ധം: നിങ്ങളുടെ മൊബൈലിലെ DB Navigator ആപ്പിലെ ക്യു.ആര്‍ കോഡോ അല്ലെങ്കില്‍ പേപ്പര്‍ ടിക്കറ്റോ സ്കാന്‍ ചെയ്താല്‍ മാത്രമേ പ്ളാറ്റ്ഫോമിലേക്ക് പ്രവേശിക്കാന്‍ കഴിയൂ.
ടിക്കറ്റില്ലാത്തവര്‍ക്ക് പിഴയുണ്ടാവും.
റെയില്‍വേ സ്റേറഷനുകളിലെ സുരക്ഷാ ചുമതല ഫെഡറല്‍ പോലീസിനാണ്. ജര്‍മ്മനിയില്‍ കൂടി ഇത് വരുന്നതോടെ സ്റേറഷനുകളിലെ തിരക്ക് നിയന്ത്രിക്കാനും അനധികൃത പ്രവേശനം തടയാനും സാധിക്കും.
ചുരുക്കത്തില്‍ ജര്‍മ്മനിയിലെ റെയില്‍വേ കൂടുതല്‍ ഡിജിറ്റല്‍ സംവിധാനങ്ങളിലേക്ക് മാറുകയാണ്. ടിക്കറ്റ് എടുക്കാതെ യാത്ര ചെയ്യുന്ന ശീലം ഇനി ജര്‍മ്മനിയില്‍ നടക്കില്ല എന്ന് മാത്രമല്ല, അത് കനത്ത പിഴയ്ക്കും നിയമനടപടികള്‍ക്കും കാരണമാകും.
- Since 2007
ജര്‍മ്മിയിലെ ട്രെയിുകളില്‍ വര്‍ദ്ധിച്ച ആക്രമണങ്ങളുടെ പശ്ചാത്തലത്തില്‍ റെയില്‍വേ സ്റേറഷുകളില്‍ പുതിയ സുരക്ഷാ ിയന്ത്രണങ്ങള്‍ കൊണ്ടുവരുന്നു
- dated 31 Mar 2026
Other News Titles:
ജീവനക്കാരെ ഞെട്ടിച്ച് ഫോക്സ്വാഗന്റെ അടുത്ത പ്രഹരം ; പത്തോളം തൊഴില്‍ കരാറുകള്‍ റദ്ദാക്കി: ജോലി സമയം കൂട്ടിയേക്കും
ജര്‍മ്മനിയില്‍ ഇന്ധന നികുതിയിളവ് പ്രാബല്യത്തില്‍; ലിറ്ററിന് 16.7 സെന്റ് വരെ കുറയും
കൊളോണ്‍ കേരള സമാജം ഓണാഘോഷം വര്‍ണ്ണാഭമായി; പ്രവാസമണ്ണില്‍ കേരളത്തനിമ വിരിയിച്ച് വിപുലമായ കലാവിരുന്നും ഓണസദ്യയും
ലോകത്തിലെ ഏറ്റവും ഉയരം കൂടിയ കാറ്റാടിയന്ത്രം ജര്‍മ്മനിയില്‍ പൂര്‍ത്തിയായി; 365 മീറ്റര്‍ ഉയരം, തലയെടുപ്പോടെ ബ്രാന്‍ഡന്‍ബുര്‍ഗില്‍
കൊളോണില്‍ 10 ദിവസത്തെ ഭക്തിനിര്‍ഭരമായ ജപമാല പ്രാര്‍ത്ഥന ഒക്ടോബര്‍ ഒന്നു മുതല്‍
ജര്‍മ്മനിയിലെ കേരള ലത്തീന്‍ കത്തോലിക്കാ സമൂഹത്തിന്റെ ""ഒപ്പം'' കുടുംബസംഗമം ബിംഗനില്‍ നടത്തി
ജര്‍മനിയിലെ നിലവിലെ സ്ഥിതി അരിയാന്‍ ഈ വീഡിയോ വാര്‍ത്ത കാണുക
Comments: